2035 jylǵa qaraı álemde bal aralary joıylyp ketýi yqtımal
ASTANA. QazAqparat – 20 mamyr – Halyqaralyq aralar kúni. Statıstıkaǵa sáıkes, álemniń barlyq aımaqtarynda bal aralary qyrylyp jatyr. Aralar jemis aǵashtarynyń, jıdekterdiń, dándi daqyldar gúlderiniń negizgi tozańdandyrýshysy bolǵandyqtan, olar azaısa, adamzat tutynatyn kóptegen ónimder de joıylyp ketýi yqtımal, dep habarlaıdy QazAqparat TASS-qa silteme jasap.
Bul jándikterdiń qyrylýyna negizgi sebep – Varroa destructor parazıti, onymen kúresý óte qıyn. Sondaı-aq aralardy fermerler zııankestermen kúresý úshin qoldanatyn nıkotındi ınsektıtsıdter óltiredi. Budan bólek, beı-bereket qurylys saldarynan ekojúıeler buzylyp jatyr. Buǵan jahandyq jylyný da teris áser etýde.
Aralardyń jyldyq qyrylýy 20% deńgeıinde saqtalsa, 2035 jylǵa qaraı olar tolyǵymen joıylyp ketýi yqtımal. Tómendeýdiń jyl saıynǵy eń joǵary kórsetkishi Soltústik Amerıkada (30-40%), Eýropada (~30%) jáne Ońtústik Afrıkada (~30%) baıqalady.
