2035 jylǵa deıin Qazaqstanda AES salynyp bitýi tıis
Jıyn barysynda «Qazaqstandyq atom elektr stantsııalary» JShS atom energetıkasy bóliminiń ınjeneri Asýan Sııabekov Qazaqstanda AES salýdyń josparly merzimi týraly aıtty.
«Josparǵa sáıkes 2023 jyly AES salynatyn aýdan týraly QR Úkimetiniń qaýlysy shyǵyp, AES salý tehnologııasyn tańdaý qajet, 2025 jyly tehnıkalyq-ekonomıkalyq negizdeme ázirlenip, memlekettik saraptaýdan ótý kerek, 2025-2028 jyldar aralyǵynda AES qurylysy týraly Úkimet qaýlysy qabyldanady. 2028 jyly jobalyq-smetalyq qujat ázirlenip, saraptamadan ótýi qajet, 2029 jyly qurylys montajdaý jumystary bastalyp, jabdyqtar jetkizilse, 2034 jyly qurylys aıaqtalyp, 2035 jyly AES paıdalanýǵa berilýge tıis», - dedi Asýan Sııabekov.
Ol sondaı-aq Qazaqstanda AES salynatyn aýmaqty zertteý Atom energetıkasy halyqaralyq agenttiginiń (AEHA) qujattary men QR normatıvtik talaptary negizinde júrgizilgenin málimdedi.
«Bul rette jer silkinisi jáne geologııalyq qubqubylystar, gıdrometeorologııalyq jaǵdaılar, gıdrologııalyq jaǵdaılar, boljamdy sý tutyný, AES qurylysynyń irgeles aýmaqtyń janýarlar men ósimdikter álemine áseri, AES paıdalaný kezinde aýdan gıdrografııasyna áseri sekildi faktorlar qarastyryldy. Osy oraıda AES salýǵa eki aýmaq tıimdi dep tanyldy. Olar - Abaı oblysyndaǵy Kýrchatov qalasy men Almaty oblysyndaǵy Úlken aýylynyń mańy», -dedi Asýan Sııabekov.
Buǵan deıin AEHA mıssııasy AES salýǵa Almaty oblysyndaǵy Úlken aýyly aýmaǵy qolaıly ekenin rastaǵan.
«Úlken aýylyndaǵy aýdannyń mynadaı ınfraqurylymdyq artyqshylyqtary boldy. Ol – jumysshylar turatyn kent bolady, salqyndatqysh toǵany bar jer, 110/10 kV qosalqy stantsııa, 500/220 kV tirek qosalqy stantsııa bar, ıÝKGRES-ten 2 shaqyrym, Shý qalasynan 210 shaqyrym, 500 kV soltústik – ońtústik baǵyty boıynsha joǵary voltty jeliler bar, burǵylaý-jarý jumysy júrgizildi, untaqtaý qondyrǵysy men beton qondyrǵysy salyndy, aýyz sýdy daıyndaý qondyrǵysy ornatyldy, «Qaıratkól» temir jol stantsııasy keńeıtildi», - dedi ol.
Eske salaıyq, buǵan deıin atalǵan jıynda «Qazaqstandyq atom elektr stantsııalary» JShS atom energetıkasy bóliminiń basshysy Áset Mahambetov atom elektr stantsııasy elimizdiń áleýmettik-ekonomıkalyq damýyna qalaı yqpal etetinin túsindirgen edi.
