2035 jylǵa qaraı qaı óńirler energııa tapshylyǵyna beıim bolmaq
ASTANA. KAZINFORM – 2035 jylǵa qaraı elimizdegi elektr energııasynyń tapshylyǵy 17,4 mlrd kılovatt/saǵatqa jetýi múmkin.
Energetıka mınıstrliginiń málimetinshe, 2035 jylǵa qaraı elektr energııasyn tutyný kólemi 152,4 mlrd kılovatt/saǵat deńgeıinde bolatyndyǵy boljanady. Sol ýaqytta elimizde qazirgi ýaqytta jumys istep turǵan energııa kózderiniń óndirisi 135 mlrd kılovatt/saǵatqa deıin tómendeıdi. Demek, energııa tapshylyǵy 17,4 mlrd kılovatt/saǵatqa jetýi yqtımal.
«Tapshylyqqa eń beıim óńirler – Jambyl, Qyzylorda, Túrkistan jáne Jetisý oblystary, sondaı-aq Almaty jáne Shymkent qalalary kiretin energııa júıesiniń ońtústik aımaǵy. Tapshylyqtyń basty sebebi – energııa kózderiniń negizgi úlesi elektr jelisiniń soltústik jáne batys aımaqtarynda shoǵyrlanýynda. Ońtústik aımaqta tek 12 bazalyq energııa kózi bar. Olardyń keıbireýleri negizinen jylýmen jabdyqtaýǵa baǵyttalǵan jylý elektr stansalary sanalady», - dep túsindiredi vedomstvodan.
