2034 jylǵy álem chempıonatynyń fınaly Er-Rııadta ótedi – FIFA
ASTANA. KAZINFORM – 2034 jylǵy álem chempıonatynyń fınaly Er-Rııadtaǵy Korol Salman atyndaǵy stadıonda ótedi. Bul týraly Halyqaralyq fýtbol federatsııasynyń esebinde aıtyldy.
Saýd Arabııasy 2034 jylǵy álem chempıonatyn ótkizýge jalǵyz úmitker. Buǵan deıin Aýstralııa men Indonezııanyń týrnırdi ótkizýge birlesken ótinim berýdi josparlaǵany habarlanǵan, biraq keıin Indonezııa bas tartqanyn jarııalap, Saýd Arabııasynyń ótinimin qoldady.
Keıinirek Aýstralııa da 2034 jyly álem chempıonatyn ótkizý ıdeıasynan bas tartty.
Baıandamada ashylý jáne fınaldyq matchtardy ótkizý úshin tek Korol Salman stadıony usynylǵan.
Barlyǵy bolyp bes qaladaǵy 15 arena týrnırlik oıyndarǵa talasýda.
Aıta keteıik, FIFA 2025 jylǵy klýbtar arasyndaǵy álem chempıonatynyń kýbogyn tanystyrdy.