2030 jyly Qazaqstannyń sý jáne jer resýrstary qaıta qalpyna keltiriledi - N. Qapparov
ASTANA. 28 maýsym. QazAqparat - 2030 jyly Qazaqstannyń sý jáne jer resýrstary qaıta qalpyna keltiriledi.
Bul týraly búgin elordada ótken forýmda QR Qorshaǵan ortany qorǵaý mınıstri Nurlan Qapparov málim etti.
«Bizge jańa ekonomıkany qurý úshin jańa mamandardy daıarlap shyǵý qajet. Osylaısha, biz 2030 jylǵa qaraı Qazaqstannyń sý jáne jer resýrstaryn qaıta qalpyna keltiremiz jáne tabıǵı kapıtaldardy tutynýdyń tıimdiligi jaǵynan Eýropalyq odaqtyń deńgeıine jetemiz. 2030 jylǵa qaraı Qazaqstan zararly zattekterdiń atmosferaǵa shyǵarylýy salasyndaǵy standarttardy eýropalyq deńgeımen teńestirip, ony engizý boıynsha sharalardy atqarýymyz shart», - dep atap ótti mınıstr.
Onyń aıtýynsha, jasyl jańǵyrtýdyń negizinde el ekonomıkasy birshama oń nátıjelerge qol jetkizbek.
«2030 jylǵa qaraı «jasyl ekonomıka» salasynda 400-den 600 myńǵa jýyq bos jumys orny ashylady.2050 jyly «jasyl ekonomıka» eldiń JІÓ-ne 3 paıyz qosyp, damýdyń qalypty ósý modeline qosymsha serpin bermek», - dedi ol sóz sońynda.
