2030 jyly Qazaqstan elektr energııasyn eksporttaı bastaıdy - Á. Isekeshev
ASTANA. QazAqparat - 2030 jyly Qazaqstan elektr energııasyn eksporttaı bastaıdy. Bul týraly búgin Ortalyq kommýnıkatsııalar qyzmetinde ótken brıfıng barysynda QR Premer-Mınıstriniń orynbasary - Indýstrııa jáne jańa tehnologııalar mınıstri Áset Isekeshev málim etti.
"Biz Memleket Basshysynyń tapsyrmasyna sáıkes 2030 jylǵa deıingi Qazaqstannyń janarmaı-energetıkalyq keshenniń damý tujyrymdamasyn ázirledik. Qýattyń balansy 2030 jylǵa deıin kórsetilgen. Bizde úsh aımaq bar: ońtústik, soltústik jáne batys. Ol balans 2030 jyly bizde elektr energııasynan tapshylyq bolmaıtyndaı etip jasaldy. 2030 jylǵa qaraı atom elektrstansalary energobalansqa kiretindikten, qosymsha qýat paıda bolady. Bizdiń elektr energııamyz eksportqa shyǵady", - dedi ol.
