2030 jyly fýtboldan ÁCh ótkizýge Ońtústik Amerıkanyń 4 eli birlesken ótinim berdi
MONTEVIDEO. QazAqparat – Ońtústik Amerıkanyń tórt eli 2030 jyly fýtboldan mereıtoılyq álem chempıonatyn ótkizýge birlesken ótinim berdi, dep habarlaıdy QazAqparat Euronews-ke silteme jasap.
Ýrýgvaı, Argentına, Paragvaı jáne Chılı Juntos 2030 (Birge 2030) uranymen osy álemdik týrnırdi ótkizý quqyǵyn alýǵa úmitti. Ótinim berý rásimi 1930 jyly Ýrýgvaı men Argentına (4:2) arasyndaǵy birinshi álem chempıonatynyń fınaly ótken Montevıdeodaǵy «Sentenarıo» stadıonynda uıymdastyryldy.
Buǵan deıin 2030 jylǵy Álem chempıonatyna Ispanııa men Portýgalııa, sondaı-aq Bolgarııa, Rýmynııa, Grekııa jáne Serbııa ortaq ótinim bergen bolatyn. FIFA prezıdenti Djannı Infantıno kandıdattar neǵurlym kóp bolsa, soǵurlym jaqsy dep málimdedi. Ol 2030 jylǵy týrnırdi ótkizý ornyn tańdaýda ádil jáne ashyq sheshim qabyldaýǵa ýáde berdi.
