2030 jyly Dýbaı polıtsııasynyń tórtten biri robot bolady
ASTANA. QazAqparat - Dýbaıda alǵashqy robot polıtseı qyzmetke kiristi. Onyń qatarǵa alynatyny byltyr jarııa etilgen bolatyn, dep habarlaıdy arabianbusiness.coml .
Robot polıtseıdiń boıy 170 sm, salmaǵy 100 keli shamasynda. Ol 1,5 metr qashyqtyqtan qolmen jasalǵan ısharany túsinedi. Algorıtmder kómegimen adamnyń emotsııasyn da tanýǵa qabiletti.
Adamnyń kóńil kúıine qaraı robot adammen baılanysýdyń joldaryn tańdaıdy. Ol adamnyń júzin 20 metr qashyqtyqtan anyqtaıdy, ıaǵnı qyzmyskerdi izdeýmen aınalysady. Apparat saýda ortalyǵynda, sonymen qatar kóshelerde qoǵamdyq tártipti qadaǵalaıdy.
2030 jyly robot polıtseı jergilikti polıtsııanyń tórtten birin jasaqtaıdy dep kútilýde. Bıyl qultemirden ǵana turatyn polıtsııa ýchaskesi ashylmaq.
