2030 jyly Atyraýǵa 45 jańa mektep pen 83 balabaqsha qajet bolady
ATYRAÝ. QazAqparat- 2030 jyly Atyraýǵa 45 mektep, 83 balabaqsha, 5 emhana qajet bolady, dep habarlady qalalyq sáýlet, qala qurylysy basqarmasynyń jetekshisi Tólep Orynbasarov Óńirlik kommýnıkatsııalar qyzmetinde ótken brıfıngte.
«Atyraý qalasy qurylysynyń bas jospary daıyndaldy. Aldyn ala boljam boıynsha, 2030 jyly turǵyndar sany oblys ortalyǵynda 350 myń adamǵa jetedi. 2015 jylǵy esep boıynsha turǵyndar sany 314 myń bolǵan. Bas jospar boıynsha, qala mańyndaǵy aýyldardy qosa alǵanda, Atyraýdyń jalpy aýmaǵy úsh esege artyp, 46 myń gektardy quraıdy. Oblys ortalyǵy 16 shaǵyn aýdandarǵa bólinedi»,-dedi Orynbasarov.
Ol sonymen qatar, 2030 jylǵa qaraı qalaǵa búgingi qoldanysta bar nysandardan bólek 83 balabaqsha, 45 orta mektep, 20 emhana jáne 5 klınıkalyq emhana ǵımarattaryn salý kerek bolatyndyǵyn aıtty.
