2030 jylǵa qaraı úlken qalalardyń aýmaǵy 1,5 mıllıon sharshy shaqyrymǵa ulǵaımaq
ASTANA. 27 naýryz. QazAqparat - Adamzattyń qazirgi ósýi qarqynyna qaraǵanda, 2030 jylǵa qaraı úlken qalalardyń aýmaǵy Frantsııanyń6 Germanııanyń jáne Ispanııanyń aýmaǵyn qosa alǵandaǵydaı kólemde keńeıedi.
Bul týraly «Ǵalamshar qysym astynda» dep atalatyn konferentsııada sóılegen sarapshylardyń sózderine silteme jasap Earth System Science Partnership ǵylymı uıymynyń baspasóz qyzmeti habarlady, dep málim etti reseılik «Jańalyqtar» agenttigi.
Halyqtyń qazirgi ósý qarqyny saqtalǵan jaǵdaıda ǵalamshardaǵy qala turǵyndarynyń sany bir aptada 1 mıllıonǵa ulǵaıyp, 2050 jylǵa qaraı eki esege jýyq ósýi, sóıtip 3,5 mıllıardtan 6,3 mıllıardqa deıin jetýi múmkin. Sarapshylardyń paımdaýynsha, bul jaǵdaıda qala keńistigi shamamen 1,5 mıllıon sharshy shaqyrymǵa ulǵaıady.
«Qalalardyń qazirgideı bulaısha ósýi qorshaǵan ortanyń eleýli problemalaryna ákep soǵýy yqtımal», - dep málim etti Arızona ýnıversıtetiniń qyzmetkeri Mıkaıl Fregkıas. Sarapshynyń aıtýynsha, sońǵy júz jylda mıllıon turǵyny bar qalalar sany 20-dan 450-ge deıin artqan. Boljamdarǵa qaraǵanda, 2030 jylǵa qaraı qalalyq SO2 shyǵaryndylar 2010 jylmen salystyrǵanda 36,5 paıyzǵa ósetin bolady. Bul kórsetkish 2010 jyly 15 mıllıard tekshe tonnany quraǵan bolatyn.
«Ǵalamshar qysym astynda» konferentsııasy 26-29 naýryz kúnderi Londonda BUU-nyń búkilálemdik «Rıo+20» klımattyq sammıti qarsańynda ótýde. Ǵalymdar men sarapshylar osyndaı kóńilsiz boljamdarǵa qaraı álemdegi qorshaǵan orta tepe-teńdigin qalaı saqtaýǵa bolady, degen máselege bas qatyrýda.
