2030 jylǵa qaraı Qazaqstannyń sý resýrstary 100-den 85 mıllıard tekshemetrge deıin tómendeıdi dep kútilýde

Bul málimetti búgin elordada ótken «2030 jylǵa deıingi kezeńde Qazaqstan Respýblıkasynyń aýyl sharýashylyǵynda beıimdelý  sharalaryn  ázirleý jáne sý resýrstarynyń qysqarýyna klımattyń áseri» atty dóńgelek ústel barysynda QR Aýyl sharýashylyǵy mınıstrligi Sý resýrstary komıteti tóraǵasynyń orynbasary Ámirhan Kenshimov keltirdi, dep habarlaıdy QazAqparat.

  Onyń aıtýynsha, elimizdegi sý resýrstarynyń qysqarýynyń birneshe sebepteri bar eken. Atap aıtqanda, iri  transshekaralyq ózender deńgeıiniń tómendigi, ıaǵnı Qazaqstannyń geografııalyq ornalasýy tirshilik kózi - sýdyń tómendeýiniń basty sebepteriniń biri.

 Elimizben shektes memleketter jyl saıyn sý tutynýdy ulǵaıtýda, osynyń saldarynan bizdiń ózenderdiń deńgeıi azaıýda. Buǵan  memleket ishindegi sý resýrstaryn tıimdi paıdalanbaý da óz áserin tıgizip otyr. Al klımattyń ǵalamdyq jylynýynyń saldarynan jaýyn-shashyndar azaıyp, sýdyń býlanýynyń ulǵaıýy, sondaı-aq  muzdyqtardyń qarqyndy erýi men ózen aǵystarynyń tómendeýi de yqpal etýde.

 Osyǵan oraı Á.Kenshimov, ásirese, sýdyń 80 paıyzǵa jýyǵyn paıdalanatyn aýyl sharýashylyǵynda sý resýrstaryn tıimdi paıdalanýdy joǵarylatý qajet dep esepteıdi.