2030 jylǵa qaraı Qazaqstanda taýarlyq gaz óndirý kólemi 21 mlrd. tekshe metrdi quraıdy

ASTANA. QazAqparat - 2030 jylǵa qaraı Qazaqstanda taýarlyq gaz óndirý kólemi 21 mlrd. tekshe metrdi quraıdy. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Munaı jáne gaz mınıstri Uzaqbaı Qarabalın málim etti.

«Osy kúni 16 óńirdiń ishinde 10-y gazdandyryldy. Negizinen, elimizdiń barlyq batys jáne ońtústik óńirleri men Almaty qalasy gazdandyrylǵan», - dedi ol.

Onyń atap ótýinshe, 2007-2013 jyldardyń aralyǵynda Qazaqstandaǵy gazdyń tutynýyna júrgizilgen taldaý elimizdiń naryqtyń údemeli ósýin kórsetken. Osy kezeńde gaz tutyný ósimi 26 paıyzdy, al ortasha jyldyq ósý qarqyny shamamen 4 paıyzdy quraǵan. 2030 jylǵa deıin taýarlyq gazdy óndirý kólemi 60 mlrd. tekshe metrge deıin jetedi.

«Onyń 25 mıllıardtaıy jer qabatynyń qysymyn ustaý úshin tehnologııalyq qajettilikke jaratylady. Sonyń saldarynan taýarlyq gaz óndirý kólemi 2030 jylǵa qaraı 21 mlrd. tekshe metrdi quraıdy dep eseptep otyrmyz», - dedi U.Qarabalın.

Esterińizge sala keteıik, Búgin Úkimet otyrysynda QR Munaı jáne gaz mıınstri «Qazaqstan Respýblıkasyn gazdandyrýdyń bas syzbasyn bekitý týraly» taqyrybynda baıandama jasaǵan bolatyn.