2030 jylǵa qaraı Qazaqstanda sý tapshylyǵy jylyna 14 mlrd. tekshe metrdi quraýy múmkin - N.Qapparov
ASTANA. 5 maýsym. QazAqparat - 2030 jylǵa qaraı Qazaqstanda sý tapshylyǵy jylyna 14 mlrd. tekshe metrdi quraýy múmkin. Bul týraly Búgin QR Prezıdenti janyndaǵy Ortalyq kommýnıkatsııalar qyzmeti uıymdastyrǵan brıfıngte QR Qorshaǵan ortany qorǵaý mınıstri Nurlan Qapparov málim etti.
Mınıstrdiń atap ótýinshe, Qazaqstannyń «jasyl ekonomıkaǵa» kóshýi jónindegi tujyrymdamasynda sý sharýashylyǵy salasyndaǵy resýrstardy tıimdi jáne únemdi qoldanýdy mindetteıdi. Mundaǵy maqsat - 2030 jylǵa qaraı ekonomıka men halyqtyq qajettilikterin jáne tabıǵatty qorǵaýdy qamtamasyz etý úshin elimizdiń barlyq aımaqtarynda sý tapshylyǵyn tolyqtaı joıý.
«Negizi boljam boıynsha Qazaqstan jáne transshekaralyq sý kózderin bizben bólisip otyrǵan elder ózderiniń ekonomıkalyq ósý qarqyndaryn saqtasa ulttyq deńgeıdegi sý tapshylyǵy 2030 jylǵa qaraı 14 mlrd. tekshe metrdi quraıdy», - deıdi ol.
