2030 jylǵa qaraı Qazaqstanda qarttar úlesi 11,2 paıyzǵa jetedi
Bul týraly búgin QR Parlamenti Májilisindegi Úkimet saǵatynda «Mindetti áleýmettik medıtsınalyq saqtandyrý týraly» Zań jobasyn tanystyrǵan Densaýyq saqtaý jáne áleýmettik damý mınıstri Tamara Dúısenova málim etti.
«2030 jylǵa qaraı qazaqstan halqynyń sany 4,1 mln. adamǵa ósip, 21,5 mıllıonǵa jetetin bolady. Bul rette halyq qurylymy da aıtarlyqtaı ózgeriske túsetin bolady. Eger damyǵan elderde jalpy halyq sanyndaǵy egde jastaǵy adamdardyń úlesi 20-25 paıyzdy quraıtyn bolsa, olarda medıtsınalyq-sanıtarlyq kómekke bólinetin bıýdjet qarjysy 30-dan 40 paıyzǵa deıin jetedi», - dedi ol.
Sonymen qatar mıınstr bizdiń elimizdiń halqynyń sany men qurylymy 2030 jylǵa qaraı ózgeretindigi boljanýda.
«Boljamǵa sáıkes 2030 jylǵa qaraı egde jastaǵy adamdardyń úlesi 2014 jylǵy 6,9 paıyzdan 11,2 paıyzǵa jetetin bolady. Mundaı tendentsııa alǵashqy aýrýlardyń qazirgi qurylymy men shyǵyndar qurylymy saqtalǵan jaǵdaıda densaýlyq saqtaý salasyna shyǵystardy arttyrady», - dedi T.Dúısenova.
Onyń sózine qaraǵanda, elimizde densaýlyq saqtaý salasyna bólinetin shyǵystar turaqty ósim kórsetip otyr. Ol sońǵy on jylda 131,2 mlrd. teńgeden 824 mlrd. teńgege deıin arttyryldy.
«Degenmen de halyqaralyq táýelsiz sarapshylar respýbılkadaǵy densaýlyq saqtaý júıesi qarjylandyrylýynyń tómen deńgeıin atap ótýde. Ol JІÓ-niń 3,8 paıyzyn quraıdy. Onyń ishinde memlekettik shyǵystar úlesi JІÓ-niń 2,5 paıyzyna teń. Al Ekonomıkalyq yntymaqtastyq jáne damý uıymy elderinde bul kórsetkish 6-dan 12 paıyzǵa deıingi shekte», - dedi mınıstr.