2030 jylǵa qaraı Qazaqstan gaz jetkizilimderi boıynsha álemdik naryqta eleýli orynda bolady - V Astana ekonomıkalyq forýmy
Bul týraly búgin V Astana ekonomıkalyq forýmy aıasynda energııa kózderine arnalǵan sessııada QR Munaı jáne gaz vıtse-mınıstri Bolat Aqsholaqov málim etti.
«Óndiriletin gazdyń qory búginde 3,9 trln. tekshe metrdi quraıdy. Gaz qory boıynsha Qazaqstan álemde 18 orynda tur. Qazirgi kezde gazdy óndirý kólemi 40 mlrd. tekshe metrge jýyq kórsetkishti quraıdy. 2030 jylǵa qaraı 109-110 mlrd. tekshe metr gazdy óndirý boljanyp otyr», - dedi ol.
Osy turǵyda ol búginde álemde gazdy paıdalaný kólemi artyp kele jatqanyn eskerip ótti.
Vıtse-mınıstrdiń sózine qaraǵanda, Qazaqstanda munaıǵa qaraǵanda gaz boıynsha jaǵdaı ózgeshe. ıAǵnı, elimizde óndiriletin gaz negizinen ilispe bolyp keledi. Tehnologııalyq turǵyda ol suıyq kósirsýtekterdi óndirý boıynsha qysymdy qalypty ustap turý úshin jer qabatyna qaıta jiberiledi. Búginde taýarlyq gazdy óndirýde Qazaqstan jahandyq oıynshy bolyp tabylmaıdy. Alaıda, suıyq kómirsýtekterdi óndirý birte-birte tómendeıtinin jáne bul gazdy óndirý kerektigin eskergende, atalǵan 110 mlrd. tekshe metrdi óndirý aldaǵy ýaqytta oryndalatyn bolady.
«Qazaqstan bolashaqta gazdy aýqymdy kólemde óndiretinderdiń qatarynda bolýy múmkin»,-dep túıindedi B. Aqsholaqov.
