2030 jylǵa qaraı ishki naryq otandyq munaı-gaz-hımııa ónimderimen tolyq qamtylady
NUR-SULTAN. QazAqparat – 2030 jylǵa deıin ishki naryqtaǵy munaı-gaz-hımııa ónimderiniń qajettiligi tolyq jabylady. Bul týraly búgin Úkimet otyrysynda QR Energetıka mınıstri Bolat Aqsholaqov aıtty, dep habarlaıdy QazAqparat tilshisi.
«Munaı-gaz-hımııa ónimderiniń negizgi túrlerin óndirý men tutynýdyń boljamdy teńgerimine sáıkes, maılaý materıaldaryn qospaǵanda, 2030 jylǵa deıin ishki naryqtyń qajettilikterin tolyq jabý josparlanýda», - dedi mınıstr.
Onyń dereginshe, polıpropılenge degen ishki qajettilik osy jyldyń ishinde jabylady. Al metanolǵa 2023 jyldan bastap, polıetılentereftalatqa 2024 jyldan bastap, býtadıenge 2026 jyldan bastap jáne polıetılenge 2027 jyldan bastap qajettilikti jabý múmkindigi qamtamasyz etiledi.
«Joǵaryda atalǵan jobalardy iske asyrý ımportty almastyrýǵa ǵana emes, eldiń eksporttyq áleýetin damytýǵa da yqpal etetin bolady», - dedi Bolat Aqsholaqov.
