2030 jylǵa qaraı elimizde elektr energııasyn tutyný jylyna 130 mlrd kVt/saǵatty quraıdy

ASTANA. QazAqparat - 2030 jylǵa qaraı elimizde elektr energııasyn tutyný jylyna 130 mlrd kVt/saǵatty quraıtyn bolady. Bul týraly búgin Senattyń Ekonomıkalyq saıasat, ınnovatsııalyq damý jáne kásipkerlik komıtetiniń múshelerimen kezdesý barysynda Energetıka vıtse-mınıstri Baqytjan Jaqsalıev málim etti.

«Ekonomıkanyń damýyna oraı, elektr energııasyn tutynýdyń jyl saıynǵy ósimi shamamen 4-6 paıyzdy quraıdy. Biz búgin osy máselemen aınalysyp jatyrmyz, bundaı málimetterdi jańartý úshin jobalyq ınstıtýttarmen jumys isteımiz. Sonymen qatar elektr energııasyn tutynýdyń boljamyn eki nemese úsh jylda bir ret jańartyp otyramyz, sóıtip Qazaqstan ekonomıkasynyń elektr energııasyn tutynýyn ornyqty qamtý úshin aldyn ala jobalardy júzege asyrmaqpyz. 2012 jyldan bastap elektr energııasyn tutyný tómendegen bolatyn. 2013 jyly biz 14 350 mVt-tyń ornyna 13 153 mVt-qa jettik», - dedi Baqytjan Jaqsalıev.

Onyń aıtýynsha, elimizde elektr energııasyn tutyný aýqymy satylap damı túsedi jáne 2013 jylǵa qaraı 130 mlrd kVt-saǵatty quramaq.

«Búgingi tańda Qazaqstan damýynyń, sonyń ishinde 2030 jylǵa deıingi elektr energııasyn tutyný men óndirisi boıynsha josparlar pysyqtalǵan. Budan bólek, elektr energetıkasy salasy boıynsha ınfraqurylymdy damytý strategııasy áli de naqtylana túsetin bolady», - dedi vıtse-mınıstr.