2030 jylǵa qaraı Astana elimizdegi eń «aqyldy qalaǵa» aınalady
Bul týraly búgin elordanyń ınnovatsııalyq damýyna arnalǵan «Smart Astana-2011» konferentsııasy barysynda Astana qalasynyń ákimi Imanǵalı Tasmaǵambetov bildirdi.
«21 ǵasyrdyń problemasyn 19 ǵasyrdyń sana-sezimimen sheshý múmkin emes. Bul - anyq. Óıtkeni qalalardyń álemdik ósimi júıesindegi dınamıka túbegeıli ózgergen. Sondyqtan qalalardyń túbegeıli ózgerýi dáýirindegi bizdiń mindetimiz elordanyń tehnıkalyq jaraqtanýyna, jańa ınnovatsııalyq tehnologııalyq sheshimderdi belsendi engizý arqyly ıntellektýaldy damýyna umtylýymyz kerek. Osy oraıda Astananyń odan ári qaraı damýy qajettigin túsine otyryp, «Smart Astana» jobasynyń tujyrymdasy ázirlendi», - dedi I.Tasmaǵambetov.
Astana ınfraqurylymyn keshendi jańǵyrtýǵa baǵyttalǵan «Smart Astana» («Aqyldy qala») jobasy qala turǵyndarynyń jumysy men demalysy jaıly bolýyna qajetti jaǵdaıdy jasaıdy. Jobanyń negizi eýropanyń «aqyldy» qalalardy damytý modelinen alynǵan. Olar aqyldy ekonomıka, uıaly baılanysqa qoljetimdilik, aqyldy qorshaǵan orta, aqyldy ákimdik, aqyldy turǵyn úı ortasy, aqyldy adamdar syndy 6 sıpattamaǵa negizdeledi.
Qala ákiminiń atap ótýinshe, osy baǵyttardaǵy alǵashqy qadam qazirdiń ózinde jasalyp otyr. Atalǵan jobany iske asyrý aıasynda aǵymdaǵy jyldyń ózinde áleýmettik birqatar ilki joba iske qosylmaq. «Meniń oıymsha, 2030 jylǵa qaraı bizder Astanany tek ádemi qala qana emes, sonymen qatar eldegi eń «aqyldy qala» dep aıtatyn bolamyz», - dedi ol.
