2030 jylǵa qaraı álemde aqyl-esi kemderdiń sany artady
ASTANA. 13 sáýir. QazAqparat - Álemde aqyl-esi kemderdiń (dementsııa) sany 2030 jylǵa qaraı eki esege artady.
Mundaı málimetter Dúnıejúzilik densaýlyq saqtaý uıymynyń (DDSU) sársenbi, 11 sáýir kúni jarııalaǵan esebinde kórinis tapty.
DDSU-nyń aqparatyna súıensek, búgingi kúni dúnıejúzinde dementsııamen 35,6 mıllıonǵa jýyq adam aýyrady. Uıymnyń sarapshylary 2020 jylǵa qaraı mundaı naýqastardyń sany eki esege, al 2050 jylǵa deıin úsh esege derlik ósip, 115 mıllıondy quraıtyndyǵyn aıtýda.
Atalmysh esepke sáıkes, damyǵan elderdiń ózinde dementsııaǵa shaldyǵýdyń 50-80 paıyzy anyqtalmaǵan kúıinde qalyp otyr. Kemaqyldyqqa dıagnostıkanyń memlekettik baǵdarlamasy jáne mundaı naýqastarǵa medıtsınalyq kómek kórsetý álemniń tek 8 elinde ǵana qoldanylady.
Búgingi kúni dementsııadan zardap shegip otyrǵan naýqastardyń 58 paıyzy damyǵan elderde turady. DDSU-nyń boljamynsha, 2050 jylǵa qaraı osyndaı elderdiń úlesine jarymesterdiń 70 paıyzy tıesili bolady.
Altsgeımer syrqatymen aýyratyn naýqastar dementsııaǵa shaldyqqandardyń 20-70 paıyzyn quraıdy.
