2030 jylǵa qaraı Aqtóbede jylyna 10 myń tonna balyq óndiriledi
Balyq sharýashylyǵyn damytýǵa arnalǵan baǵdarlama 2021-2030 jyldarǵa josparlanǵan. Oblysqa jumys saparymen kelgen Balyq sharýashylyǵy komıtetiniń tóraǵasy Narıman Júnisov aldymen «Murager 22» JShS-na bardy. Munda Afıka jaıyny, bekire ósiriledi. Seriktestik basqarýshysy Garık Galstıannyń aıtýynsha, aldaǵy ýaqytta kompanııa TMD aımaǵynda teńdesi joq sharýashylyq bolmaq.
«Bizdiń maqsatymyz aıqyn. Biz balyqtyń birneshe túrin ákelip, ósirip, suranysqa saı jumys istemekpiz. Degenmen pandemııanyń keri áseri bar. Shekaralar jabyq, tikeleı reıster joq. Saldarynan biz da balyqtyń jańa túrin ákele almaımyz. Al qazir Afrıka jaıyny, bekire sekildi birneshe túrli balyq bar. Olardyń ózimiz daıyndaǵan basseınderde ýyldyryqtan bastap kóbeıtemiz. Alty aıda satýǵa shyǵarýǵa múmkindik bar. Baǵytymyz – Eýropa. Ol úshin arnaıy nómir kerek. Alý jolynda qıyndyqtar men kedergiler bar», - dedi Garık Galstıan.
Elimiz boıynsha balyq sharýashylyǵyn damytýda kadr tapshylyǵy da keri áserin tıgizedi. Óıtkeni ózge elde bilim alyp kelgender ǵana qazir balyq ósirýge úles qosyp júr. Al olar óz kezeginde tájirıbesimen bólisip, maman daıyndaýǵa basymdyq beredi.
«Bir adamdy oqytý úshin 3-4 aı qajet. Ózim birneshe adamǵa úırettim. Qazir sharýashylyqta 50 adam eńbek etedi. Sonymen birge óńirdegi kolledjderdiń birinde úıirme bar. Osy arqyly biz kadr tapshylyǵy máselesin de eńserýimiz múmkin. Bir jaǵynan júıeni avtomattandyramyz. Aldaǵy ýaqytta balyq aýlaýdyń da jańa tehnologııasy engiziledi. Sol kezde másele ózdiginen sheshilmek», - dedi seriktestik basqarýshysy Garık Galstıan. Munda sý tazartylyp, qaıda óndiriske jiberiledi. Sharýashylyq balyqqa qajetti azyqty da ózderi daıyndaıdy.
Keıin Balyq sharýashylyǵy komıtetiniń tóraǵasy Narıman Júnisov oblystaǵy balyq sharýashylyǵy sýbektilerimen jáne áleýetti ınvestorlarymen kezdesip, salany damytýdyń ózekti máselelerin talqylady.
Kezdesý barysynda vedomstvo basshysy memlekettik qoldaý sharalary, sonyń ishinde sýbsıdııalaý, balyq ósirýmen aınalysatyn sýbektiler úshin jasalǵan jaǵdaı jáne zańnamany jetildirý týraly habardar etti.
«Investıtsııalyq sýbsıdııa aıasynda sharýalar satyp alǵan qural-jabdyq qunynyń bir bóligin memleket óteıdi. Sonymen birge jem, dári-dármek, balyqtyń analyǵyn ósirý sekildi birneshe túrine de sýbsıdııa bar. 2030 jylǵa qaraı munda jylyna 10 myń tonna balyq óndiriledi. Barlyǵy 70 sharýashylyq osy baǵytta jumys isteıdi degen jospar bar», - dedi Narıman Júnisov.
