2030 jylǵa deıingi quqyqtyq saıasat tujyrymdamasynyń jobasy ázirlendi

NUR-SULTAN. QazAqparat – 2030 jylǵa deıingi quqyqtyq saıasat tujyrymdamasynyń jobasy ázirlendi. Bul týraly QR Ádilet vıtse-mınıstri Natalıa Pan aıtty, dep habarlaıdy QazAqparat tilshisi.

«Memleket basshysynyń tapsyrmasyn oryndaý aıasynda Ádilet mınıstrligi «Atameken» Ulttyq kásipkerler palatasymen, ǵylymı uıymdarmen jáne ǵalymdarmen birlesip, 2030 jylǵa deıingi quqyqtyq saıasat tujyrymdamasynyń jobasyn ázirledi», - dedi ol mınıstrliktiń keńeıtilgen alqa otyrysynda.

Onyń atap ótýinshe, jańa Tujyrymdama konstıtýtsııalyq, azamattyq, ákimshilik, qylmystyq jáne basqa da zańnama salalaryn damytý tásilderin qamtıdy.

«Biz Tujyrymdama jobasynda qamtylǵan quqyqtyq júıeni jetildirý jónindegi sharalar Qazaqstannyń odan ári ornyqty damýynyń qajetti quqyqtyq alǵysharttaryn qalaıdy dep kútemiz», - dedi Natalıa Pan.