2030 jylǵa deıin kólik basqarý quqyǵynan aıyrylǵan júrgizýshi quryqtaldy
Jyl basynan beri Shymkent qalalyq polıtsııa departamenti Jedel basqarý ortalyǵynyń qyzmetkerleri «Qorǵaý» qosymshasynyń kómegimen 2867 qaýipti júrgizýshini quryqtaǵan.
Onyń ishinde 62-si buryn avtokólikti basqarý quqyǵynan aıyrylǵan, 555-i mas kúıde kólik júrgizgen, taǵy 31-i jalǵan memlekettik tirkeý nómirin taqqan.
«Máselen, jaqynda JBO-nyń baqylaýshy ınspektorlary megapolıs kósheleriniń birine monıtorıng júrgizý kezinde 2030 jylǵa deıin kólik basqarý quqyǵynan aıyrylǵan azamatty ustady. Bul týraly olar patrýldik polıtsııa polkiniń ekıpajdaryna habarlady. Óz kezeginde quqyq buzýshyǵa qatysty tártip saqshylary ÁQBtK-niń 612-baby boıynsha ákimshilik hattama toltyryp, kólikti aıyp turaqqa qoıdy», - dep jazdy departamentten.
Sondaı-aq, sot oryndaýshylarymen birlesip arnaıy reıdtik is-sharalardy ótkizý barysynda 3 mlrd teńgeden astam qaryzy bar 2135 avtokólik júrgizýshisi anyqtalǵan.
Foto: Shymkent qalalyq polıtsııa departamentinen