2030 jylǵa deıin Qazaqstandaǵy jańa kólikterdiń úlesi 80 paıyzǵa jetedi

ASTANA. QazAqparat - Aldaǵy 15 jylda Qazaqstandaǵy avtoparktiń 80 paıyzy jańa bolady. Bul týraly búgin «GreenBuild Eurasia 2015: jasyl qalalar jolynda» halyqaralyq konferentsııada QR Energetıka mınıstrligi «Jasyl ekonomıka» departamentiniń dırektory Bekbergen Kereı málim etti.

«Aldaǵy 20 jylda Qazaqstanda eleýli túrde jańarýlar men ınfraqurylymdy damytý oryn alady. Ǵımarattardyń 55 paıyzy men elektr stansalarynyń 40 paıyzy 2030 jylǵa qaraı jańadan salynady. Sonymen qatar avtokólik parkiniń 80 paıyzy 2030 jylǵa qaraı jańa bolady. Elimiz úshin jańa ınfraqurylymdy qurýdyń biregeı múmkindigi jasalýda», - dedi ol. Munymen qosa B.Kereı Qazaqstanda «jasyl tehnolgııalar» men ekologııany jaqsartý boıynsha úlken maqsattar alǵa qoıylǵanyn atap ótti. «Іri qalalardaǵy aýanyń jaǵdaıyna mán bergen jón. Men avtoparktiń 80 paıyzy jańaratynyn aıttym jáne kólikterdi jańartýǵa erekshe nazar aýdarý qajet. Biz otynnyń sapasyna toqtalatyn bolsaq, bul baǵytta Qazaqstan qalys kele jatyr. Eýropalyq sapa standarttaryna teńeskimiz keledi. Bunyń barlyǵy qajettilik», - dedi ol. Budan bólek, jylý elektr stansalarynyń shyǵaryndylaryn tazartý júıesin enzý josparlanyp otyr.