2030 jylǵa deıin Qazaqstanda 10 mıllıon adam gazben qamtylady
Bul týraly búgin Ortalyq kommýnıkatsııalar qyzmetinde ótken baspasóz máslıxatynda QR Energetıka mınıstrligi gaz ónerkásibin damytý departamentiniń basshysy Ǵalym Nurǵazıev málim etti.
"Bas syzbada mynadaı kórsetkishter mejelengen: 2030 jylǵa deıin Qazaqstanda gazben qamtý deńgeıi 7 mıllıonnan 10 mıllıon adamǵa jetedi. Respýblıkanyń 1600 eldi mekeni gazben qamtylady dep kútilýde. Qarajat bıýdjet esebinen jáne gaz salasynyń ulttyq operatory "QazTransGaz" AQ esebinen bólinetin bolady", - dep atap ótti ol.
Onyń sózine qaraǵanda, 2006 jyldan beri aýmaqtardy gazdandyrý boıynsha 99 mıllıard teńgege 130 joba iske asyryldy. Nátıjesinde gazben qamtylǵan eldi meken sany 730-dan 1200-ge jetti. Al úılerinde kógildir otyny bar turǵyndar sany 2 mıllıonǵa artyp, 7 mıllıon boldy.
