2030 jylǵa deıin elimizde gazdandyrý deńgeıi 56%-dy quraıtyn bolady

ASTANA. QazAqparat - 2030 jylǵa deıin elimizde gazdandyrý deńgeıi 56%-dy quraıdy. Bul týraly Ortalyq kommýnıkatsııalar qyzmetinde ótken brıfıngte QR Energetıka mınıstri Vladımır Shkolnık málim etti.

Onyń aıtýynsha, 2014 jyly QR Energetıka mınıstrligi Eldi gazdandyrýdyń bas syzbasyn ázirledi.

"Qazirgi tańda 7 mln. qazaqstandyq, ıaǵnı 1150 eldi meken gazǵa qosylǵan. 2030 jylǵa deıin elimizde gazdandyrý deńgeıi 56%-dy, nemese 1,6 myń. eldi mekendi quraıdy, al tutynatyn gazdyń kólemi 2013 jylǵy 10,9 mlrd. m 3-tan, 2030 jyly 18 mlrd. m 3-qa jetedi", - dedi ol.

Onyń sózine qaraǵanda, 2015 jyly belgilengen dálizde munaı turaqty óndiriletin bolsa, gazdy óńdirý jylyna 42,2 mlrd.m 3 quraıdy.

Birqatar jobalar qolǵa alyna bastady. Máselen, Qazaqstan-Qytaı gaz qubyrynyń úshinshi tizbegi jylyna 55 mlrd.m 3 deıin tasymaldaý múmkindigin beredi. «Beıneý-Bozoı» gaz qubyry Qyzylorda jáne Ońtústik Qazaqstan oblysynyń 300-den asa eldi mekenin gazben qamtamasyz etpek.

2015 jylǵa «Aýdandar, Astana jáne Almaty qalalary bıýdjetterine jańartylatyn energııa kózderin paıdalanýdy qoldaýǵa beriletin aǵymdaǵy nysanaly transfertter» atty 026 bıýdjettik baǵdarlamasy sheńberinde 22 mln. 150 myń teńge bólindi.