2030 jylǵy qysqy Olımpıada qaıda ótedi
ASTANA. KAZINFORM – Aldaǵy qysqy Olımpıada 2030 jyldyń 1-17 aqpan aralyǵynda Frantsııa Alpileri aımaǵynda (Frantsııa) ótedi. Mundaı sheshim 2024 jyldyń 24 shildesinde Frantsııa astanasy Parıjde ótken Halyqaralyq Olımpıada komıtetiniń 142-sessııasynda belgili boldy.
Dúbirli doda 2030 jyldyń 1-17 aqpan aralyǵynda Frantsııa Alpileriniń Provans-Alpi-Kot-d'Azýr-Overn-Rona-Alpi aımaǵynda bolady.
Jarys baǵdarlamasyna shaıbaly hokkeı, frıstaıl, snoýbord, bobsleı, shana sporty, taý shańǵysy, tuǵyrdan sekirý, bıatlon, mánerlep syrǵanaý, short-trek, konkı sporty sekildi kóptegen sport túrleri engizilgen.
Aıta ketsek, 2026 jylǵy qysqy Olımpıada 6-22 aqpan aralyǵynda Italııanyń Mılane-Kortına d’Ampetstso óńirinde ótip jatyr. Oǵan álemniń 90-nan astam elinen shamamen 2 900-3 500 sportshy qatysty. Baıraqty básekede 16 sport túri boıynsha 116 medal jıyntyǵy sarapqa salyndy.
Qysqy Olımpıadada elimizdiń atynan mánerlep syrǵanaý sheberi Mıhaıl Shaıdorov chempıon ataǵyn jeńip aldy. Nátıjesinda qazir qazaqstandyq sportshylar jalpy komandalyq esepte 1 altyn medalmen 19-orynǵa turaqtap tur.
Elimiz bıyl qysqy Olımpıada oıyndarynda 36 sportshyǵa úmit artyp, jalpy tizimde 24-orynǵa taban tiredi. Dúbirli dodada elimizdiń ulttyq quramasy sporttyń 10 túrinen 58 medal jıyntyǵy boıynsha baq synady.
Olardyń qatarynda bıatlon, konkımen júgirý, mánerlep syrǵanaý, short-trek, taý shańǵy sporty, shańǵy qossaıysy, shańǵy jarystary, shańǵymen tramplınnen sekirý, frıstaıl-mogýl jáne frıstaıl-akrobatıka bar.
Otandastarymyz qysqy Olımpıadada 1994 jyldan beri synǵa túsip keledi. Sol jyly shańǵyshy Vladımır Smırnov shańǵy jarysynan 50 shaqyrym qashyqtyqta jeńis tuǵyryna kóterilse, 10 jáne 15 shaqyrymda kúmis júldeger atandy.
1998 jyly konkı sportynan Lıýdmıla Prokasheva 5000 metr qashyqtyqta qola alsa, 2010 jyly bıatlonshy Elena Hrýstaleva kúmiske qol sozdy.
2014 jyly mánerlep syrǵanaýshy Denıs Ten úzdik úshtikti túıindese, 2018 jyly mogýlshy ıÝlııa Galysheva dál sondaı jetistikti baǵyndyrdy.
Qazirge deıin otandastarymyz qysqy Olımpıadada barlyǵy toǵyz medal jeńip aldy.
Aıta ketsek, aqpannyń 22-nen 23-ne qaraǵan túni Italııanyń Verona qalasynda 2026 jylǵy XXV qysqy Olımpıada oıyndarynyń jabylý saltanaty ótedi. Tikeleı translıatsııa Qazaqstan ýaqyty boıynsha 23:45-te bastalady jáne «Qazaqstan», «Qazsport» jáne «Habar» telearnalarynan kórsetiledi.