2030 jylǵy fýtboldan álem chempıonatyna 64 qurama qatysýy múmkin

ASTANA. KAZINFORM - Bul nusqany Halyqaralyq fýtbol federatsııasy (FIFA) qarastyryp jatyr.

Atalǵan álem chempıonaty tarıhta tuńǵysh ret úsh qurlyqta ótkiziledi dep josparlanyp otyr. Dop dodasy negizinen Ispanııa, Portýgalııa jáne Marokkoda ótedi. Sondaı-aq álem chempıonatynyń ǵasyrlyq toıyna oraı Ýrýgvaı, Argentına jáne Paragvaıda bir-bir oıynnan bolady degen jospar bar.

Derekkózdiń málimetinshe, 2030 jylǵy álem chempıonaty fınaldyq kezeńine qatysatyn qurama sanyn 64-ke jetkizý bir rettik shara retinde uıymdastyrylady. Ol dop dodasynyń 100 jyldyq mereıtoıy qurmetine arnalady.

Atalǵan usynys FIFA keńesiniń otyrysynda qaralmaq. Oǵan FIFA prezıdenti Djannı Infantıno qyzyǵýshylyq bildirip otyr. Onyń basshylyq jasaǵan ýaqytynda 2026 jylǵy álem chempıonaty fınaldyq kezeńine qatysýshylar sanyn 32-den 48-ge deıin ulǵaıtýǵa qol jetkizildi.

Eske salsaq, budan buryn fýtboldan Qazaqstan quramasynyń 2026 jylǵy álem chempıonaty irikteý kezeńindegi qarsylastary anyqtaldy.