2030 jylǵa qaraı JI-diń álemdik ekonomıkaǵa qosatyn úlesi $22 trln-nan asýy múmkin - forým

Qazaqstan Premer-mınıstri tehnologııalyq transformatsııanyń qazirgi álemniń shyndyǵy retinde mańyzdylyǵyn atap ótti. Jasandy ıntellekt energetıka nemese kólik sııaqty negizgi ınfraqurylymǵa aınalýda.

Halyqaralyq sarapshylardyń baǵalaýy boıynsha, 2030 jylǵa qaraı jasandy ıntellektiniń álemdik ekonomıkaǵa qosatyn úlesi astronomııalyq – $22 trln-nan asady dep boljanýda.Tsıfrlyq tehnologııalar men jasandy ıntellekt ekonomıkada óz ornyn berik ıelenip otyr.

Búginde naqty sektor kásiporyndarynda tsıfrlyq tehnologııalar belsendi túrde engizilip jatyr. Óndiristerde avtonomdy arnaıy tehnıka, ushqyshsyz ushý apparattary, ónerkásiptik robottar jumys isteıdi. Bul bir mezgilde jumyskerler úshin jumys eńbek arttyrýǵa, sondaı-aq ekonomıkalyq artyqshylyqtarǵa ıe bola otyryp, eńbek ónimdiligin arttyrýǵa múmkindik beredi. Osy sheshimderdi odan ári keńeıtý men damytý tsıfrlyq ınfraqurylymnyń damý deńgeıine baılanysty.

-Tehnologııalyq transformatsııada Qazaqstan sapaly jáne ornyqty ekonomıkalyq ósýdi yntalandyrý múmkindikterin kóredi. Biz tsıfrlandyrýdy jeke jobalarǵa bólmeımiz. Biz ınstıtýttardy, ınfraqurylymdy jáne adamı kapıtaldy damytý arqyly tutas ekojúıe quryp jatyrmyz. Qoıylǵan mindetterge qol jetkizý úshin Qazaqstanda, birinshiden, qajetti ınstıtýtsıonaldyq baza qalyptastyryldy. Tsıfrlyq kodeks pen «Jasandy ıntellekt týraly» Zań qabyldandy, olar qaýipsizdik pen ınnovatsııalardy yntalandyrý arasyndaǵy teńgerimdi qamtamasyz etedi. Prezıdent janyndaǵy Jasandy ıntellektini damytý jónindegi keńes jumys isteıdi, ol strategııalyq basymdyqtardy aıqyndap, jetekshi halyqaralyq sarapshylardy biriktiredi, — dep atap ótti Oljas Bektenov.

Aıta keteıik, osyǵan deıin EÚAK qatysýshylary Qazaqstannyń tsıfrlyq ındýstrııasynyń jetistikterimen tanysty.