2030 jylǵa qaraı tyńaıtqysh óndirý kólemi 4 mln tonnaǵa deıin ulǵaıady
ASTANA. KAZINFORM — Ónerkásip jáne qurylys mınıstri Ersaıyn Naǵaspaev Úkimet otyrysynda agrohımııa salasyn damytýdyń basym baǵyttaryn atady.
— Agrohımııa salasy eldiń azyq-túlik qaýipsizdigin qamtamasyz etý úshin erekshe mańyzdy. Osyǵan oraı 2030 jylǵa deıin jergilikti eginshilerdi otandyq tyńaıtqyshtardyń negizgi túrlerimen (azot, fosfor, kalıı) tolyq qamtamasyz etý josparlandy, — dedi ol.
Vedomstvo basshysy otandyq óndirýshiler karbamıd, kalıı hlorıdi sııaqty jańa tyńaıtqysh túrlerin óndirýge kirisetinin atady.
— Qaıta jańartý jáne jańa jobalar esebinen 2030 jylǵa deıin jalpy tyńaıtqyshtar kólemi 4 mıllıon tonnaǵa deıin ulǵaıady, — dedi Ersaıyn Naǵaspaev.
Aıta ketý kerek, naýryz aıynda Úkimet tyńaıtqyshtardy sýbsıdııalaýǵa 48 mlrd teńgeden astam qarajat bólgen bolatyn.