2030 jylǵa qaraı Qazaqstanda mys óndirisi 2 ese, bolat óndirisi 3 ese artady

ASTANA. KAZINFORM – 2030 jylǵa qaraı Qazaqstanda katodty mys óndirý kólemi 2 ese, bolat óndirisiniń kólemi 3 ese artady. Úkimet otyrysynda Ónerkásip jáne qurylys mınıstriniń orynbasary Oljas Saparbekov osyndaı boljam aıtty.

- Aıdarly, Kóksaı jáne Benqala jańa iri ken oryndaryn iske qosý esebinen mys kenin óndirý 2 ese nemese 300 mln tonnaǵa deıin ulǵaıtylady. Temir kenin óndirý ishki suranystyń ósýinen jáne jańa jobalardyń qosylý esebinen 40% nemese 52 mln tonnaǵa deıin ósedi. Osylaısha katodty mys óndirý kólemi 2030 jylǵa deıin 2 ese artyp, Qostanaı, Jambyl oblystarynda bolat óndirý kólemi 2030 jylǵa deıin 3 ese artady. Bizdiń esebimiz boıynsha 2030 jylǵa qaraı óndiriletin metaldardyń kólemi el ishinde óńdeý deńgeıi joǵary ónimge qol jetkizýge múmkindik beredi, - dedi ol.

Al mys óńdeý kólemi 90 myń tonnaǵa, alıýmınıı óńdeý 160 myń tonnaǵa jáne qorǵasyn óńdeý kólemi 80 myń tonnaǵa jetedi degen esep bar.

Aıta ketý kerek, elimizde altyn qymbattap, bir gramynyń baǵasy shamamen 56 527 teńgege jetti.