2030 jylǵa qaraı Qazaqstanda qýat tapshylyǵy saǵatyna 13 mlrd kılovattan asýy múmkin – halyqtyq shtab
KÓKShETAÝ. KAZINFORM – AES salýdy qoldaý jónindegi halyqtyq shtab músheleri Aqmola oblysynda bolyp, eńbek ujymdarymen kezdesti.
Kókshetaýda Halyqtyq shtab músheleri «Novopek» fabrıkasynyń jumysshylarymen, densaýlyq saqtaý salasynyń qyzmetkerlerimen, Kókshetaý qalasynyń órt sóndirý bóliminiń ardagerlerimen jáne ujymymen kezdesip, elimizde AES salýdyń jaı-japsaryn talqylap, mańyzyn túsindirdi.
Oblys ortalyǵynda shtab músheleri Qazaqstan Parlamenti Májilisiniń depýtattary Pavel Kazantsev, Aına Mysrálimova, energetıka salasyndaǵy mamandar Tımýr Jantıkın jáne Nıkolaı Radostovets boldy. Kezdesýlerde sóz sóılegen Halyq shtab músheleri atom elektr stantsııasyn salýdyń basty qajettiligi elektr energııasynyń tapshylyǵyn sheshý degen pikir bildirdi.
«Sarapshylardyń pikirinshe, 2030 jylǵa qaraı Qazaqstanda qýat tapshylyǵy saǵatyna 13 mlrd kılovattan asýy múmkin. Nátıjesinde biz elektr energııasyn kórshi elderden qomaqty somaǵa satyp alýǵa májbúrmiz. Sondyqtan jeke atom elektr stantsııalaryn salý mańyzdy. Bul bizge energetıkalyq táýeldilikten arylýǵa múmkindik berip qana qoımaı, ekonomıkalyq ósýdiń jańa kezeńine ótýdi qamtamasyz etedi», - dep atap ótti májilis depýtaty Pavel Kazantsev.
Oblystyq kópsalaly aýrýhananyń medıtsına qyzmetkerlerimen kezdesýde sarapshylar atom stantsııasynyń qurylysy ekologııalyq problemalardy tıimdi sheshýge múmkindik beretinin atap ótti. Óz kezeginde kezdesýge qatysýshylar oı bólisti. Oblystyq aýrýhananyń jedel zerthanasynyń medbıkesi Ksenııa Gerasımova atom salasy tek ónerkásip pen tehnologııa ǵana emes, sonymen qatar ǵylym ekenin atap ótip, elektr energııasynyń zamanaýı kózine degen qoldaýy men senimin bildirdi.
«Ǵylymda «beıbit atom» uǵymy bar. Bul tujyrymdama adamzattyń ıgiligi úshin qoldanylatyn atomdyq qasıetterdi qamtıdy. Medıtsınada kóptegen zamanaýı jabdyqtar atomnyń paıdaly qasıetterine negizdelgen. ıAǵnı, biz atom sózinen qoryqpaýymyz kerek. Medıtsına «beıbit atomnan» eń jaqsysyn aldy, búginde ıAdrolyq medıtsına eń perspektıvaly salalardyń biri bolyp sanalady, ásirese onkologııalyq aýrýlardy dıagnostıkalaý jáne emdeý máselelerinde suranysqa ıe bolyp keledi», - dedi Ksenııa Gerasımova jáne áriptesterin Qazaqstandaǵy alǵashqy atom elektr stantsııasynyń qurylysyn qoldaýǵa shaqyrdy.
Aqmola oblysynyń ardagerler keńesi bizdiń elimizde AES salý úshin mamandar bar-joǵyn surady.
«Búgingi tańda Qazaqstannyń atom ónerkásibinde 20 myńnan astam adam jumys isteıdi, onyń 15 myńy - negizgi óndiristik personal. Sondaı - aq, kóptegen mamandar Ulttyq ıadrolyq ortalyq pen ıadrolyq fızıka ınstıtýtynda jumys isteıdi, olar ondaǵan jyldar boıy tabysty jumys istep keledi», - dep atap ótti «Qazaq atom elektr stantsııalary» JShS Bas dırektory Tımýr Jantıkın.
Sondaı-aq, respýblıkalyq halyq shtabynyń músheleri Kókshetaý qalasynyń órt sóndirý bóliminiń ujymymen kezdesti. Kezdesý barysynda halyq shtabynyń múshesi Nıkolaı Rodostovets AES qurylysynda qoldanylatyn ekologııaǵa zııansyz zamanaýı tehnologııalar týraly egjeı-tegjeıli aıtyp berdi.
Aıta ketsek, budan buryn Eýropa elderinde atom energetıkasy qalaı damyp jatqany týraly jazǵan edik.
