2030 jylǵa deıin kómir generatsııasy qalaı ózgeredi
ASTANA. KAZINFORM – Qazaqstanda kómir generatsııasyn damytý jónindegi ulttyq joba bekitildi. Qujatqa Premer-mınıstr Oljas Bektenov qol qoıdy. Joba eldiń energetıkalyq qaýipsizdigin kúsheıtip, ósip kele jatqan elektr energııasy suranysyn qamtamasyz etýge baǵyttalǵan.
Prezıdent tapsyrmasyna sáıkes ázirlengen ulttyq joba aıasynda 2030 jylǵa deıin energetıka salasynda aýqymdy jańǵyrtý júrgiziledi. Sońǵy jyldary ónerkásip, IT sektory men derekter ortalyqtarynyń kóbeıýine baılanysty elektr energııasyn tutyný aıtarlyqtaı artqan. Osyǵan baılanysty jańa qýat kózderin iske qosý qajettiligi týyndady.
Ulttyq jobaǵa sáıkes jalpy kólemi 7,8 GVt bolatyn jańa jáne jańartylǵan qýat kózderi engiziledi. Segiz jańa elektr energııasy nysanyn salý josparlanyp otyr. Іri jobalar Ekibastuz, Kýrchatov jáne Jezqazǵan qalalarynda júzege asady. Sonymen qatar Kókshetaý, Semeı jáne Óskemende zamanaýı jylý elektr ortalyqtary boı kóteredi. Budan bólek, jumys istep turǵan 11 elektr stansasyn tereń jańǵyrtý kózdelgen.
Jobalardy iske asyrý bıýdjetten tys qarajat esebinen júrgiziledi. Investıtsııalardyń jalpy kólemi 7,5 trln teńgeden asady. Qarjylandyrý jeke ınvestorlardy tartý arqyly júzege asyrylady.
Ekologııalyq talaptarǵa erekshe nazar aýdarylady. Jańa stansalar «taza kómir» tehnologııalary boıynsha jumys isteıdi. ıAǵnı, zamanaýı súzgiler men tazartý júıeleri ornatylyp, zııandy qaldyq kólemi azaıtylady. Bul halyqaralyq ekologııalyq standarttarǵa saı tıimdi jumys isteýge múmkindik beredi.
Ulttyq joba aıasynda shamamen 4,5 myń turaqty jumys orny ashylady. Energetıka salasynyń qyzmetkerlerine áleýmettik qoldaý sharalary, onyń ishinde jeńildetilgen ıpoteka baǵdarlamalary qarastyrylǵan.
Sonymen qatar joba kólik jáne óndirýshi salalarmen qatar júzege asyrylady. Kómirge suranystyń artýyna baılanysty vagon parki ulǵaıyp, temirjol ınfraqurylymy jańǵyrtylady.
Mamandardyń pikirinshe, bul bastama Qazaqstannyń energetıkalyq táýelsizdigin nyǵaıtyp, otandyq mashına jasaý salasynyń damýyna jańa serpin beredi.
Aıta keteıik, elimizde energetıka salasynda 4 myńǵa jýyq maman tapshy.