2030 jylǵa deıin 40 myńǵa jýyq kópqabatty turǵyn úı qaıta jańartylmaq

ASTANA. KAZINFORM – 2030 jylǵa deıin elimizde 40 myńǵa jýyq kópqabatty turǵyn úı qaıta jańartylady. Bul týraly Ónerkásip jáne qurylys mınıstrligi Qurylys jáne turǵyn úı-kommýnaldyq sharýashylyq isteri komıtetiniń tóraǵasy Baqytjan Júnisbekov aıtty.

- Búginde turǵyn úı qorymyz shamamen 60 myń kópqabatty turǵyn úı. Qandaı úıler eski, qandaı úı apatty jaǵdaıda ekenine saraptama júrgizildi. Ondaı 5 myńǵa jýyq úı bar. Qazirgi ýaqytta 2030 jylǵa deıin 40 myńǵa jýyq turǵyn úı qoryn qaıta jańartý jospary aldymyzda tur. Sonymen qatar qaıta jańartý tetigin de damytyp jatyrmyz. Qaıta jańartý aıasynda eski ne apatty baspanasy bar azamattarǵa páterge kepildik terý tetigin pysyqtap jatyrmyz, - dedi ol Ortalyq kommýnıkatsııalar qyzmetindegi brıfıngte.

Buǵan deıin baspanaǵa muqtaj jandarǵa qandaı memlekettik kómek kórsetiletinin jazǵan edik.

Esterińizge sala keteıik, erteńnen bastap turǵyn úı saıasatynyń jańa erejesi kúshine enedi.