2030 jylǵa deıin 4 gaz óńdeý zaýyty salynady – Almasadam Sátqalıev
ASTANA. KAZINFORM – Energetıka mınıstri Almasadam Sátqalıev otandyq gaz óndirisi salasynda jańa zaýyttardyń iske qosylatyny týraly aıtty.
«2026 – 2030 jyldar aralyǵynda kezeń-kezeńimen 4 gaz óńdeý zaýytyn iske qosylady. Atap aıtqanda, Qashaǵan ken ornynyń shıkizaty negizinde – qýaty jylyna 1 jáne 2,5 mlrd tekshe metr Qarashyǵanaq ken ornynyń shıkizaty negizinde – qýaty jylyna 4 mlrd tekshe metr. Sondaı-aq Jańaózen qalasynda qýaty jylyna 900 mln tekshe metr gaz óńdeý zaýyty salynbaq», - dedi Almasadam Sátqalıev Úkimet otyrysynda.
Onyń aıtýynsha, Qashaǵan ken ornynyń shıkizaty negizinde gaz óńdeý zaýyttaryn salý úshin Qatarlyq ınvestor – UCC Holding tartylǵan. Qazir «QazaqGaz» ben «UCC Holding» kompanııasy osy jobalardy iske asyrýdyń sońǵy sharttaryn kelisip jatyr.
«Qarashyǵanaq gaz óńdeý zaýytyn salý jobasy operatordyń qarajaty esebinen iske asyrylatyn bolady. Bıyl aqpanda EPC tenderine qatysýǵa qujattardy qabyldaý aıaqtaldy. Qazirgi ýaqytta áleýetti ónim berýshilerdiń tenderlik ótinimderin baǵalaý júrip jatyr», - deıdi vedomstvo basshysy.
