2029 jyly elektr tapshylyǵynan qutylyp, syrtqa sata bastaımyz – Erlan Aqkenjenov
ASTANA. KAZINFORM – Energetıka mınıstri Erlan Aqkenjenov Úkimet otyrysynda eldegi elektr energııasynyń tapshylyǵyn joıýǵa arnalǵan jospardy tanystyrdy.
- 2026 shamamen 2 600 MVt qýat kózin, onyń ishinde jıyntyq qýaty 174 MVt bolatyn jańartylatyn energııa obektisin qoldanysqa engizý josparlanyp otyr, - dedi mınıstr.
Bul nysandar Almaty (544 MVt jáne 557 MVt), Tekeli (17 MVt), Atyraý 59,6 MVt qalalary men Qyzylorda (240 MVt), Túrkistan (1000 MVt) oblystarynda iske qosylady.
- 2027 jyly qýaty shamamen 1 500 MVt, onyń ishinde qýaty 573 MVt bolatyn jańartylatyn energııa obektisin iske qosý josparlanyp otyr. Al 2028 jyly 2 000 MVt-tan astam qýat kózin, onyń ishinde 245 MVt jańartylatyn energııa obektisin iske qosý josparlanyp otyr. Osylaısha, 2029 jyly ekonomıkanyń elektr energııasyna degen barlyq qajettiligin jaýyp, energııa júıesin profıtsıtpen qamtamasyz etý kútilýde. Bul eldiń eksporttyq áleýetin arttyrýǵa múmkindik beredi, - dedi Erlan Aqkenjenov.
Aıta keteıik, búgingi Úkimet otyrysynda elektr energetıkasy salasyn damytý men tsıfrlandyrý barysy talqylanyp jatyr.