2029 jylǵa qaraı saýdanyń zamanaýı formatynyń úlesi 70%-ǵa jetedi
ASTANA. KAZINFORM — Іshki saýdany damytý sharalaryn iske asyrý aıasynda saýda salasyndaǵy 400-den astam kásipker memlekettik qoldaý aldy. Qazaqstan Respýblıkasynyń Saýda jáne ıntegratsııa mınıstrligi saýda ınfraqurylymyn jańǵyrtý, shaǵyn jáne orta bıznestiń básekege qabilettiligin arttyrý úshin qolaıly jaǵdaı jasaý baǵytynda júıeli jumys júrgizip keledi. Bul týraly vedomstvonyń baspasóz qyzmeti málim etti.
Aǵymdaǵy jyldyń basynan beri sýbsıdııalaý aıasynda jalpy kredıt somasy 57,5 mlrd teńgeni quraıtyn 418 jobaǵa qol qoıyldy. Tólengen sýbsıdııalardyń jalpy somasy 2 788 mln teńgeni qurady. Sonymen qatar, kepildendirý quraly boıynsha kredıt somasy 8 mlrd teńgeni quraıtyn 103 kepildik berilip, memleket tarapynan kepildikterdiń kólemi 3,6 mlrd teńgeni qurady. Aımaqtardaǵy saýda ınfraqurylymyn damytýǵa erekshe kóńil bólinýde. Shyǵys Qazaqstan oblysynda qazirgiýaqytta memlekettik qoldaý aıasynda ishki saýda salasynda shamamen 7 mlrd teńge bolatyn 21 joba júzege asyrylyp otyr.
— Bazarlardy jańǵyrtýdyń Jol kartasy aıasynda 2025 jyly Óskemen qalasynda «Zarıa», «Zarechnyı» jáne «Ortalyq» atty úsh bazardy jańartý aıaqtalady. Onyń ishinde «Zarıa» men «Zarechnyı» bazarlary Saýda jáne ıntegratsııa mınıstrliginen memlekettik qoldaý aldy. Aımaqqa jumys sapary barysynda Saýda komıteti tóraǵasynyń orynbasary Ernur Jáýtikbaev jobalardyń júzege asyrylý barysymen tanysyp, saýda nysandaryn aralap, saýda alańdaryn jańǵyrtýdaǵy oń dınamıkasyn atap ótti, — delingen habarlamada.
2002 jyly paıdalanýǵa berilgen «Zarıa» — azyq-túlik taýarlary basym ýnıversaldy bólshek saýda bazary bolyyp tabylady. 2024 jyly munda ortalyq kommýnıkatsııalarǵa qosylǵan eki jańa bir qabatty pavılon salyndy. Memlekettik qoldaýdyń arqasynda bazar damyp jatyr: 2025 jyly avtoturaq aımaǵy abattandyrylyp, taǵy eki pavılonnyń qurylysy júrgizilýde. Nysan osy jyldyń sońyna deıin tolyq jańǵyrtýdan ótedi dep josparlanǵan.
1999 jyldan beri jumys istep kele jatqan «Zarechnyı» bazary da aýqymdy jańǵyrtýdan ótip jatyr. Onyń aýmaǵynda 5 jabyq ǵımarat jáne birneshe saýda qatary ornalasqan. Ótken jyldan bastap statsıonarlyq saýda nysanynyń qurylysy júrgizilýde, ony 2025 jyldyń qyrkúıeginde aıaqtaý josparlanǵan. Injenerlik jelilerdi tartý jáne ishki árleý jumystary qarqyndy júrgizilip jatyr.
Nysan óz avtoturaǵymen qamtamasyz etilgen. 2000 jyly paıdalanýǵa berilgen Ortalyq bazar eki negizgi statsıonarlyq ǵımarattan turady, onda azyq-túlik te, azyq-túlikten tys taýarlar da satylady. Sonymen qatar aýmaǵynda pavılondar men saýda qatarlary ornalasqan. Bazarlardy jańǵyrtýdyń Jol kartasy aıasynda bul nysanda da jumystar júrgizilýde.
— Saýda bazarlaryn tolyq jańǵyrtý — Úkimettiń basym mindetteriniń biri. Bul — zań men tártip joly. Saýda mınıstrligi qajetti normatıvtik-quqyqtyq bazany tolyq ázirledi. Endi saýda nysandary óz qyzmetin zań talaptaryna sáıkestendirýi tıis. Eń aldymen, bul — bıznestiń áleýmettik jaýapkershiligi. Kelesi jyldyń basynan bastap jańǵyrtýdan ótpegen bazarlar jumysyn jalǵastyra almaıdy, — dedi QR Saýda jáne ıntegratsııa mınıstrliginiń Saýda komıteti tóraǵasynyń orynbasary Ernur Jáýtikbaev.
QR Saýda mınıstrligi 2029 jylǵa qaraı saýdanyń zamanaýı formattarynyń úlesin 70%-ǵa jetkizýdi josparlap otyr. Qazirgi ýaqytta bul kórsetkish 41%-dy quraıdy. Saýda bazarlary da zamanaýı standarttarǵa kóshýi tıis, ıaǵnı órt qaýipsizdigi men sanıtarlyq-epıdemıologııalyq normalarǵa sáıkes bolýy, tólemkartalary arqyly salyq túsimderiniń ashyqtyǵyn qamtamasyz etýi, sondaı-aq tutynýshylarǵa yńǵaıly avtoturaq aımaqtarymen jabdyqtalýy qajet.
Aıta keteıik, Túrkistan oblysynda saýda ınfraqurylymyn damytýǵa 3,4 mlrd teńge tartyldy.