2029 jylǵa qaraı 150 mlrd dollar tikeleı ınvestıtsııa tartamyz — Prezıdent

ASTANA. KAZINFORM — Qazaqstan 2029 jylǵa qaraı 150 mlrd dollar tikeleı shetel ınvestıtsııasyn tartady. Bul týraly QR Prezıdenti janyndaǵy Sheteldik ınvestorlar keńesiniń 36-shy plenarlyq otyrysynda Memleket basshysy Qasym-Jomart Toqaev aıtty.

«Qazaqstan ınvestıtsııalyq tartymdylyqty arttyrýǵa erekshe kóńil bóledi. Tek 2023 jyly ekonomıkamyzǵa 23 mıllıard dollardan astam tikeleı sheteldik ınvestıtsııanyń biregeı aǵyny tirkeldi. Halyqaralyq menedjment jáne damý ınstıtýtynyń málimeti boıynsha, bıyl Qazaqstan álemdegi eń básekege qabiletti 35 eldiń qataryna endi. Sonymen qatar Moody’s elge búkil tarıhyndaǵy eń joǵary reıtıng berdi. Biraq biz tartynyp qalmaı, munan ary da ınvestıtsııa tartý úshin tabandy jumys isteýimiz kerek kerek. Biz 2029 jylǵa qaraı qosymsha 150 mıllıard dollar tikeleı sheteldik ınvestıtsııa tartý úshin jańa jáne órshil maqsatqa negiz daıyndadyq», — dedi Prezıdent.

Memleket basshysy mundaı órshil maqsatty qoldaý úshin Úkimettegi Investıtsııalyq basqarmaǵa «osynda jáne qazir"qaǵıdatyn saqtaı otyryp, týyndaǵan máselelerdi sheshýge ókilettik berilgen.

«Mamyr aıynda men ulttyq ekonomıkany eleýli yryqtandyrý úshin negiz qalaıtyn prezıdenttik Jarlyqqa qol qoıdym jáne osy múmkindikti paıdalana otyryp, Qazaqstandaǵy ınvestıtsııalyq ahýaldy odan ári jaqsartýǵa degen umtylysymyzdy rastaımyn», — dedi Qasym-Jomart Toqaev.

Buǵan deıin Qazaqstan tehnıkalyq jáne kásiptik bilim berý sapasyn arttyrýǵa daıyn ınvestorlardy izdeıtindigin jazǵan edik.