2028 jylǵa qaraı 212 myń áıel zeınetke erte shyǵa alady – statıstıka
«2027 jyly áıelder úshin zeınetke shyǵýdyń jas shegi 63 emes, — 61. Ulttyq statıstıka bıýrosynyń derekterine sáıkes 2028 jyldyń basynda Qazaqstannyń 324 myń turǵynynyń ornyna 536 myń áıel zeınetke shyǵa alady», - delingen habarlamada.
Aıta ketsek, keshe Memleket basshysy «Qazaqstan Respýblıkasynyń keıbir zańnamalyq aktilerine memlekettik jastar saıasaty jáne áleýmettik qamsyzdandyrý máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń Zańyna qol qoıdy.
Jańa zań boıynsha áıelderdiń zeınetke shyǵý jasy 2028 jylǵa deıin 61 jas dep bekitildi.
Odan bólek, QR Ádilet vıtse-mınıstri Alma Muqanova 2028 jyldan bastap áıelder qansha jastan zeınetke shyǵatynyn túsindirgen edi.
«2028 jylǵa deıin áıelderge arnalǵan zeınet jasy 61 jas deńgeıinde bekitildi. Osy qabyldanǵan zańǵa sáıkes, 2028 jyldyń 1 qańtarynan bastap áıelderdiń zeınet jasy - 61,5, 2029 jyldan – 62 jas, 2030 jyldan – 62,5 jas jáne 2031 jyldan bastap 63 jasty quraıtyn bolady. 2028 jylǵa deıin tek belgilengen jas kózdelgen. Biraq odan keıin jarty jyldan qosylyp, eńbek jasy ulǵaıatyn bolady», - dedi vıtse-mınıstr.
Foto: www.tagesspiegel.de