2028 jyldan keıin áıelder qaıtadan 63 jasta zeınetke shyǵa ma - mınıstr jaýaby

NUR-SULTAN. QazAqparat – Álemdik jáne dástúrli din kóshbasshylary VII seziniń jalpy otyrys kýlýarynda QR Eńbek jáne halyqty áleýmettik qorǵaý mınıstri Tamara Dúısenovaǵa BAQ ókilderi 2028 jyldan keıin áıelder zeınetke neshe jastan bastap shyǵatynyn surady, dep habarlaıdy QazAqparat tilshisi.

«Memleket basshysy Joldaýynda aıtqannan keıin zańǵa tıisti ózgerister engizip, Úkimet quramyndaǵy azamattardyń bárimen kelistik. Endi Májiliske engizgeli otyrmyz», - dep jaýap berdi mınıstr.

Sondaı-aq ol qazaqstandyq áıelder 2023 jyldyń 1 qańtarynan bastap 61 jasynda zeınetke shyǵap bastaıtynyn eske saldy.

«Iá bul norma 2028 jylǵa deıin kúshinde bolady. 2028 jyldan keıin kóremiz. Zeınetkerlik jasy ómir uzaqtyǵyna, densaýlyǵyna, zeınetaqynyń mólsherine baılanysty belgilenedi. 2028 jylǵa deıin osy máseleler boıynsha qaraımyz. Ary qaraı ýaqyt kórsetedi», - dedi Tamara Dúısenova.