2028 jyly Qazaqstanda qansha dollar mıllıoneri bolady?

ASTANA. KAZINFORM — Global Wealth 2024 esebine sáıkes, álemdegi mıllıonerler sany aldaǵy bes jylda óse beredi. Sarapshylardyń boljamynsha, Qazaqstanda 2028 jylǵa qaraı dollarlyq mıllıonerler sany 60 874 - ti quraıdy. 2023 jyly Qazaqstanda 44 307 dollarly mıllıoner bolǵan.

Shveıtsarııanyń UBS qarjy holdıngi jarııalaǵan Global Wealth Report 2024 málimeti boıynsha, ótken jyly álemdik baılyq 2022 jylǵy quldyraýdan keıin qalpyna keldi. Baılyq kórsetkishi álem boıynsha turaqty túrde ósip keledi, dese de jyldamdyǵy árqalaı. Tipti azdaǵan erekshelikteri de bar. 

«2023 jyly mıllıonerler biz taldaǵan eresek halyqtyń 1,5% qurady. Mıllıonerlerdiń kóbi AQSh-ta boldy — shamamen 22 mıllıon adam (nemese jalpy sannyń 38%). Qytaı alty mıllıonnan sál asyp, ekinshi orynǵa ıe boldy — bul úshinshi oryn alǵan Ulybrıtanııadan shamamen eki ese kóp», - delingen esepte.

Odan keıin Túrkııa-43% jáne Qazaqstan, onda mıllıonerler sany 37% — ǵa artýy múmkin.