2028 jyly Qazaqstanda aerotaksıdiń kommertsııalyq saparlary bastalady
ASTANA. KAZINFORM – 2028 jyly áýe taksıiniń kommertsııalyq saparlary bastalady. Bul týraly búgin Úkimet otyrysynda QR Premer-mınıstriniń orynbasary – Jasandy ıntellekt jáne tsıfrlyq damý mınıstri Jaslan Mádıev málim etti.
- Astana, Almaty jáne Qosshyda júrgizýshisiz taksı boıynsha pılottyq joba iske asyrylyp jatyr. Almatyda dron arqyly jetkizý qyzmeti pılottyq rejımde iske qosyldy. Astana men Alataýda áýe taksıiniń demonstratsııalyq áýe sapary ótkizildi. Osyndaı apparattardy paıdalaný jáne qoný ınfraqurylymyn damytý úshin zańnamaǵa ózgerister engizildi, - dedi J.Mádıev.
Sonymen qatar ol otandyq dron óndirisi damyp jatqanyn aıtty.
- 2027 jyly júrgizýshisiz taksımen kommertsııalyq tasymaldy bastaý jáne dron arqyly jetkizý aýqymyn keńeıtý josparlanǵan. 2028 jyly áýe taksıiniń kommertsııalyq saparlaryn bastaý kózdelgen. Ár kezeńdegi basymdyq – qaýipsizdik pen ınfraqurylymnyń daıyndyǵy, - dedi mınıstr.
Eske salsaq, bıyl shildede elordada aerotaksı alǵash ret synaqtan ótti.
