2028 jyly Almatyda aýanyń lastaný deńgeıi 20%-ǵa deıin tómendeıdi
ALMATY. KAZINFORM – Almatyda qalalyq máslıhattyń kezekten sessııasy ótti.
Sessııa barysynda 2026-2028 jyldarǵa arnalǵan qorshaǵan ortany qorǵaý jónindegi is-sharalar jospary tanystyryldy. Máslıhat depýtatynyń suraǵyna jaýap bergen Almaty qalasynyń Ekologııa jáne qorshaǵan orta basqarma basshysynyń orynbasary Arshat Bahtygereev qaladaǵy aýa sapasyn jaqsartýǵa baǵyttalǵan jumystar týraly túsindirdi.
Onyń aıtýynsha, bul qujat 9 baǵyt boıynsha 43 is-sharany qamtysa, onyń ishinde 17 is-shara atmosferalyq aýanyń sapasyn jaqsartýǵa baǵyttalǵan. Jospardyń basty ereksheligi — aýany lastaıtyn bir ǵana baǵytpen emes, energetıka, jeke sektor, avtokólik jáne óndiris kásiporyndary sekildi barlyq máselelerge bir mezgilde yqpal etedi.
Qujatta kórsetilgen negizgi is-sharalar:
- JEO-2 jáne JEO-3 nysandaryn gazǵa aýystyrý;
- Atmosferalyq aýany qorǵaý qaǵıdalaryn iske asyrý;
- Avtokólikterdiń tútindigi men otalýyna turaqty monıtorıng júrgizý;
- Tómen emıssııalyq aımaqtardy (LEZ) engizý;
- Ekologııalyq talaptarǵa sáıkes kelmeıtin kólikterdi kezeń-kezeńmen qysqartý;
- Ekologııalyq reıdterdi ótkizý jáne t.b..
- 2028 jyldyń sońyna deıin Almaty qalasy atmosferalyq aýasyn qorǵaý qaǵıdalaryn iske asyrý arqyly aýany lastaný deńgeıin kem degende 20%-ǵa deıin tómendetý, sondaı-aq barlyq josparlanǵan is-sharalardyń kezeń-kezeńmen oryndaý kózdelip otyr. Jospardyń basty ereksheligi — lastanýdyń bir ǵana kózine emes, energetıka, jeke sektor, avtokólik jáne óndiris kásiporyndary sekildi barlyq negizgi máselelerge bir mezgilde yqpal etý, - dedi ol.
Eske salaıyq, byltyr Almaty máslıhatynda atmosferalyq aýany qorǵaý qaǵıdalary bekitilgen bolatyn.
Bul qaǵıdalar jaıly Ekologııa jáne qorshaǵan orta basqarma basshysynyń orynbasary Arshat Bahtygereev agenttikke bergen suhbatynda aıtyp berdi.
