2028 jylǵy ÝEFA Sýperkýbogi Astanada ótedi
ASTANA. KAZINFORM — ÝEFA Atqarýshy komıteti Qazaqstan astanasy Astana qalasyn 2028 jylǵy ÝEFA Sýperkýbogi úshin match ótetin oryn retinde bekitti.
ÝEFA Chempıondar lıgasy men ÝEFA Eýropa lıgasynyń jeńimpazdary kezdesetin bedeldi match «Astana Arena» stadıonynda ótedi.
— Astanany tańdaýǵa Qazaqstan fýtbol federatsııasynyń sporttyq ınfraqurylymdy damytý jáne Eýropa fýtbol qaýymdastyqtary odaǵymen yntymaqtastyqty nyǵaıtý baǵytyndaǵy keshendi jumysy negiz boldy. Qazaqstanda mundaı deńgeıdegi matchtyń ótýi — otandyq sport úshin tarıhı oqıǵa, — delingen Qazaqstan fýtbol federatsııasynyń baspasóz qyzmeti taratqan habarlamada.
«Astana Arena» stadıonyn qaıta jańǵyrtý jáne ınfraqurylymyn kezeń-kezeńimen jańartý arqyly nysan ÝEFA-nyń iri eýropalyq fınaldardy ótkizýge qoıylatyn qatań talaptaryna tolyq sáıkestendirilmek.
Eske salaıyq, munyń aldynda 2027 jylǵy 22 sáýirde Astanada Eýropalyq fýtbol qaýymdastyqtary odaǵynyń (ÝEFA) 51-kongresi ótetinin jazǵan edik.
