2028 jylǵy Olımpıadaǵa daıyndyq: Qazaqstan sportshylary HOK stıpendııasyna ıe boldy

ASTANA. KAZINFORM – 2028 jyly Los-Andjeleste (AQSh) ótetin Olımpıada oıyndaryna daıyndalý maqsatynda Halyqaralyq Olımpıada komıtetiniń (HOK) jekeleı stıpendııasyn alǵan qazaqstandyq sportshylardyń esimi belgili boldy.

Bul bastamany Qazaqstan Ulttyq Olımpıadalyq komıteti kóterip, ulttyq federatsııalarmen jáne HOK-men birlese jumys júrgizdi. Sondaı-aq barlyq qajetti qujatty rásimdeýdi qamtamasyz etti.

Baǵdarlamanyń maqsaty – sportshylardy tórtjyldyqtyń basty dodasyna irikteý kezeńinde jáne daıyndyq barysynda qoldaý.

QR UOK málimetinshe, usynylǵan kandıdattar ulttyq federatsııalar arqyly iriktelip, genderlik teńdik saqtaldy. Ár sport túrinen bir er jáne bir áıel sportshy usynyldy. Sonymen qatar múmkindiginshe kóbirek sport túrin qamtýǵa mán berildi, osylaısha ártúrli baǵyttaǵy atletterge qoldaý kórsetildi.

Stıpendııa Los-Andjeles Olımpıadasynyń baǵdarlamasyna engen jekeleı sport túrlerinde óner kórsetetin sportshylarǵa beriledi.

Mindetti talaptar: irikteýden ótýge jáne joǵary oryndarǵa úmitker bolýǵa múmkindik beretin nátıjeler, sondaı-aq dopıngke qarsy erejelerdi buzbaý jáne Olımpıadalyq hartııaǵa qaıshy keletin sanktsııalardyń bolmaýy.

Qarjy oqý-jattyǵý jıyndaryna, jekeleı daıyndyqtarǵa, bapkerler men mamandardyń eńbekaqysyn tóleýge, medıtsınalyq jáne ǵylymı qoldaýǵa, saqtandyrýǵa, sondaı-aq turý men tamaqtanýǵa jumsalady. Qarajattyń maqsatty jumsalýy turaqty eseppen qadaǵalanady.

Qazaqstannan baǵdarlamaǵa engen sportshylar tizimi:

- Aıda Ábikeeva (boks)

- Saǵyndyq Toǵambaı (boks)

- Ǵusman Qyrǵyzbaev (dzıýdo)

- Ábıba Ábýjaqynova (dzıýdo)

- Mılad Karımı (sporttyq gımnastıka)

- Rýslan Kýrbanov (semserlesý)

- Ishar Kýrbaev (grek-rım kúresi)

- Rızabek Aıtmuhan (erkin kúres)

- Zeınep Baıanova (áıelder kúresi)

- Marııa Brovkova (baıdarka men kanoede esý)

- Aleksandra Le (nysana kózdeý, pnevmatıkalyq qarý)

- Islam Sátpaev (nysana kózdeý, pnevmatıkalyq qarý)

- Ámir Maımuratov (sporttyq quzǵa órmeleý)

- Batyrhan Tóleýǵalı (taekvondo)

- Alan Qurmanǵalıev (ústel tennısi)

- Elızaveta Matveeva (jeńil atletıka)

- Ásem Orynbaı (stend atý)

- Sergeı Petrovıch (aýyr atletıka)

- Araı Nurlybekova (aýyr atletıka)

- Danıl Mýsabaev (batýttaǵy gımnastıka).

Qazaqstandyq sportshylardyń bul baǵdarlamaǵa enýi olardyń Olımpıada-2028 oıyndaryna júıeli ári sapaly daıyndyq júrgizýine qosymsha múmkindik beredi.

Aıta keteıik, Los-Andjeles – 2028 Olımpıadasynyń tolyq kestesi jarııalandy.