2028 jylǵy Olımpıadada bokstan qandaı salmaqta júldeler úlestiriledi
ASTANA. KAZINFORM — 2028 jylǵy Olımpıada oıyndaryna bokstan salmaq dárejeleri bekitildi.
Dúnıejúzilik dodaǵa erler arasynda 55, 60, 65, 70, 80, 90, 90 keliden joǵary salmaqta júldeler sarapqa salynady.
Al áıelderde 51, 54, 57, 60, 65, 70 jáne 75 keli salmaqta sharshy alańǵa shyǵady.
Sondaı-aq, irikteý kezeńi de qalaı ótetini belgili boldy. Alǵashqy joldamalar 2027 jyly Astanada ótetin álem chempıonatynda úlestiriledi. Odan keıin 5 qurlyqtyq lıtsenzııalyq jarys ótedi. Olar 2027 jáne 2028 jylǵa josparlanǵan. 2028 jyly qos álemdik lıtsenzııalyq týrnır de bar. Atalǵan týrnırlerdiń ótetin orny jaqyn arada anyqtalady.
Eske salsaq, budan buryn Qazaqstan quramasy bokstan álem kýbogyn úzdik úshtikte aıaqtady.
Qazaqstandyq boksshylar bedeldi básekeni úsh altyn, bir kúmis, úsh qola medalmen aıaqtady. Bedeldi básekede Sultanbek Aıbaruly (85 keli), Valerııa Aksenova (80 keliden joǵary), Vıktorııa Grafeeva (60 keli) jeńimpaz tuǵyryna kóterildi.
Al Aıda Ábikeeva (65 keli) kúmis medal alsa, Alýa Balqybekova (51 keli), Jibek Jarasqyzy (80 keli), Dıas Moljigitov (80 keli) qola júldeger boldy.
