2028 jylǵy Olımpıada oıyndaryna irikteý: HOK alǵashqy erejeler jıyntyǵyn bekitti
ASTANA.KAZINFORM – Halyqaralyq Olımpıada komıtetiniń Atqarýshy komıteti AQSh-tyń Los-Andjeles qalasynda ótetin 2028 jylǵy Olımpıada oıyndaryna arnalǵan alǵashqy irikteý júıelerin bekitti. Bul týraly QR UOK habarlady.
Shveıtsarııanyń Lozanna qalasynda ótken otyrys barysynda 26 sport túri men dıstsıplına boıynsha irikteý erejeleri tanystyrylyp, maquldandy. Olardyń qatarynda badmınton, basketbol, 3h3 basketbol, BMX, shosselik velosport, trek velosporty, maýntınbaık, baıdarka men kanoede esý, at sporty, semserlesý, gandbol, kógaldaǵy hokkeı, dzıýdo, qazirgi bessaıys, júzý, ashyq sýda júzý, regbı-7, jelkendi sport, oq atý jáne stendtik atý, taekvondo, voleıbol jáne jaǵajaı voleıboly bar.
Qalǵan sport túrleri boıynsha irikteý júıelerin MOK Atqarýshy komıtetiniń qaraýyna 2026 jyldyń basynda usyný josparlanyp otyr.
Kópshilik sport túrleri men dıstsıplınalarda 2028 jylǵy Olımpıadaǵa irikteý aldyńǵy Olımpıada oıyndarynda qoldanylǵan, ózin tıimdi kórsetken irikteý úlgilerine negizdelgen. Sonymen qatar barlyq erejeler MOK tarapynan mindetti túrde túpkilikti bekitilýi tıis.
Aıta keteıik, Los-Andjeleste ótetin Olımpıada oıyndaryna irikteý júıesi sportshylarǵa joldamalardy ıelenýdiń keminde eki túrli múmkindigin qarastyrady.
Eske sala keteıik, reper Dogg 2026 jylǵy Olımpıada oıyndarynda AQSh quramasynyń qurmetti jattyqtyrýshysy boldy.