2028 jylǵy Los-Andjeles Olımpıadasy baǵdarlamasyna fýtzal qosylýy múmkin
ASTANA. KAZINFORM - Halyqaralyq fýtbol federatsııasy (FIFA) AQSh-tyń Los-Andjeles qalasynda ótetin 2028 jylǵy Olımpıada oıyndary baǵdarlamasyna fýtzal men jaǵajaı fýtbolyn qosýdy kózdep otyr. Bul jóninde FIFA prezıdenti Djannı Infantıno áleýmettik jelidegi paraqshasynda jazdy.
- Biz Halyqaralyq Olımpıada Komıtetine fýtzal men jaǵajaı fýtbolyn olımpıadalyq baǵdarlamaǵa qosý úshin jemisti jumysy úshin alǵys bildiremiz. Bul 2028 jylǵy oıyndardy ınnovatsııalyq oqıǵaǵa aınaldyrady degen senimdemin. Bul baǵytta seriktesterimizben jumys isteýdi jalǵastyramyz, - dep jazdy ol.
Sondaı-aq HOK atqarý komıteti olımpıadalyq fýtbol týrnırinde áıelder quramalarynyń sany 12-den 16-ǵa ulǵaıtý jóninde uıǵarymǵa keldi.
Eske salsaq, budan buryn Grekııanyń Kosta-Navarıno qalasynda ótken Halyqaralyq Olımpıadalyq komıtetiniń (HOK) 144-shi sessııasynda 2028 jyly Los-Andjeleste ótetin Olımpıada oıyndarynyń baǵdarlamasyna boksty qosý týraly sheshim qabyldandy.