2028 jylǵa deıin Ulytaý oblysynda 25 ınvestıtsııalyq joba pýly qalyptasady
JEZQAZǴAN. KAZINFORM — Bıyl Ulytaýda jalpy somasy 138 mlrd teńge bolatyn 17 ınvestıtsııalyq joba bastaý aldy. Onyń ishinde qazirgi tańda munaı bazasynyń, jel elektr stantsııasynyń jáne respırator shyǵarý zaýytynyń qurylysy aıaqtaldy.
2028 jylǵa deıin jalpy quny 920 mlrd teńgeni quraıtyn 25 ınvestıtsııalyq joba pýly qalyptastyrylyp, 2 myńnan astam jańa jumys ornyn ashý kózdelip otyr.
Ekonomıkany ártaraptandyrýdy jedeldetý maqsatynda Sátbaev qalasynda ındýstrııalyq aımaq quryldy. Atalǵan aımaq aıasynda jalpy quny 5 mlrd teńge bolatyn 3 joba pysyqtalyp jatyr, nátıjesinde 100 jumys orny qurylmaq. Aǵymdaǵy jyly ınfraqurylym tartylý jumystary bastalyp, kelesi jyly aıaqtalatyn bolady.
Josparlanǵan jobalardyń iske asyrylýy shaǵyn jáne orta óndirister beldeýin qalyptastyryp, jańa jumys oryndaryn ashýǵa, saýda-kólik baılanysyn kúsheıtýge jáne qalanyń bir baǵyttaǵy damýynan arylyp, ekonomıkasyn ártaraptandyrýdy jedeldetýge múmkindik beredi.
Sondaı-aq óńirde demeýshilik qarajat esebinen túrli áleýmettik jáne ınfraqurylymdyq jobalar júzege asyrylyp jatyr. Olardyń jalpy quny — 50,3 mlrd teńge.