2028 jylǵa deıin respýblıkalyq joldarǵa avtomatty salmaq ólsheıtin 126 stansa ornatylady

ASTANA. KAZINFORM — «QazAvtoJol» basshysy Darhan Imanashev Úkimet otyrysynda respýblıkalyq mańyzdaǵy joldardyń boıynda avtomattandyrylǵan salmaq ólsheıtin stansalardyń kóbeıe túsetinin aıtty.

— Avtojoldardyń jabynyn saqtaý maqsatynda avtomattandyrylǵan salmaq ólsheý stansalaryn ornatý jumystary júrgizilip jatyr. Bıyl 24 stansa, ornatylsa, 2028 jylǵa deıin Qazaqstan Damý Banki esebinen 126 ólshem stansasyn ornatý josparlanyp otyr, — dedi Darhan Imanashev.

Sondaı-aq, ol atalǵan stansalar artyq salmaqpen jolǵa shyqqan kólikterdi anyqtaýǵa kóp kómek kórsetip jatqanyn aıtty.

— Osy atqarylǵan jatqan jumystardyń nátıjesinde aýyr júk kólikteri tarapynan 542 myń yqtımal quqyqbuzýshylyq tirkelip, shara qabyldaý úshin quqyq qorǵaý organdaryna joldandy, — dedi Darhan Imanashev.

Buǵan deıin «QazAvtoJol» kompanııasynyń aqyly joldardan alatyn qarajatyn jaýapty organdar jyl saıyn tekseretini aıtylǵan bolatyn. 

Sondaı-aq jyl basynan beri aqyly joldardan 79 mlrd teńge túskeni anyqtaldy.