2027 jyly respýblıkalyq joldar 100 paıyz ınternet jáne uıaly baılanyspen qamtylady
«Jańa tsıfrlyq múmkindikter baǵyty boıynsha barlyq qalalar men aýdan ortalyqtarynda keń jolaqty Internetti qamtamasyz etý josparlanǵan. Búgingi uıaly baılanys boıynsha jaǵdaıǵa kóz salsaq, 3G tehnologııasy boıynsha 3 myńnan astam eldi meken, 4G - 1 628 eldi meken qamtylǵan, al 5G múldem joq. Mys kabelimen ótkizilgen symdy baılanys 34 paıyzdy, al optıka 26 paıyzdy qurap otyr. Álemde mys kabeli men 3G tehnologııasynyń eskirýin nazarǵa alyp, 2027 jylǵa deıin olardy túpkilikti aýystyramyz. Sondaı-aq, mobıldik 4G tehnologııany 100 paıyzǵa jetkizip, al optıka ınfraqurylymyn 90 paıyzǵa arttyramyz», - dedi mınıstr.
Onyń aıtýynsha, 2027 jylǵa deıin 5G tehnologııasyn Astana, Almaty jáne Shymkenttegi úlesi 75 paıyzǵa, al oblys ortalyqtarynda 60 paıyzǵa kóteriledi.
«Kelesi mańyzdy is-shara - bul respýblıkalyq jáne basty oblystyq mańyzy bar joldardy uıaly baılanys pen ınternetke qosý. Qazirde ınternet osy joldardyń 25 paıyzynda ǵana qosylǵan. Al, uıaly baılanys 86 paıyzdy quraıdy. 2027 jylǵa deıin osy joldardyń 100 paıyzy ınternet pen uıaly baılanyspen qamtylatyn bolady», - dedi Baǵdat Mýsın.
